KORONADAL CITY– Nagalab-ot sa 120 unlicensed firearms ang panibag-o na naman nga ginsungka sa mga otoridad sa Midsyap, North Cotabato bilang suporta sa kampannya batuk sa loose firearms.
Ang nasambit nga mga armas ang ginsungka sa 602nd Infantry Brigade kag 34th Infantry Battalion kag 6th Infantry Division nga ginpatigayon sa 34th IB Headquarters sa Brgy. Salunayan sa banwa sang Midsayap.
Nahibaluan nga pila sa mga nagsurrender sang mga armas ang ginasiling nga magapakandidato suno pa sa palaabuton nga brgy kag sk elections kunsa diin naglab-ot sa 63 high-powered kag 56 low powerd firearms ang ginturnover sa mga otoridad.
Ang pagsurrender sang mga armas ang dako ang mabulig agud malikawan ang kinagamo sa palaabuton nga eleksyon sa Mayo 14 kun sa diil pila sa mga banwa sa North Cotabato ang una na nga natumod nga election hot spot areas sa rehiyon.
Samtanga naglab-ot naman sa masobra 1,000 ang mga armas ang ginsungka sa hurisdiksyon sang 6th ID Philippine Army.
