KORONADAL CITY – Gina-imbestigaran na sang kapulisan ang isa ka soltero makaligad nga mag bomb joke sa Koronadal City Public Market.
Madumduman nga ang nasambit nga suspek ang isa suno pa ka menor de edad nga ginkilala lamang sa pangalan nga Christopher alyas Gamay.
Sa impormasyon nagsulod suno pa ang suspek sa entrance sang Koronadal City Public Market kun sa diin gin inspeksyon sang mga gwardya ang dala sini nga bag kag nagsiling ini nga may unod nga bomba ang iya nga bag.
Ginkaalarma naman ini sang mga gwardya rason nga ginbawi sini ang iya ginhambal kag nagsiling nga lahog lamang ang iya nga ginhambal.
Gilayon naman nga gintawgan ang Koronadal City PNP kag gin arestar ang suspek kag yara na sa kustodiya sang Koronadal City PNP.
Nahibaluan nga base sa Presidential Decree (P.D.) No. 1727 nga kilala naman nga Anti-Bomb Joke Law ginadumilian ang malisyoso nga pagpalapta sang mali nga impormasyon angot sa pamahog sa nga may yara sang bomba, eksplosibo kag iban pa nga mga kasubong nga devices nga makatuga sang kahadlok sa mga pumuluyo.
