KORONADAL CITY – Natumod na sang kapulisan ang mga suspek sa pagpatay sa magtiyo sa boundary sang Barangay Palian kag Sitio Balnate, Brgy. Tubeng, Tupi South Cotabato.
Ini ang ginkumpirmar ni PSSUPT Nestor Salcedo, provincial director sang South Cotabato sa intrbyu sang Bombo Radyo Koronadal.
Suno kay Salcedo, naguwa sa ila nga imbestigasyon nga land conflict ang rason kun ngaa ginluthang-patay ang mga biktima nga sanday Wilmer Paratan Malida kag tiyo sini nga si Renato Malida nga mga residente sang Sitio Salagidan, Prk Balasiw Brgy. Palian Tupi, South Cotabato.
Base sa mga nakakita sa hitabo natumod naman ang identity sang mga suspek nga kaupod sa grupo ni Basiron Pataron Udag.
Kaangot sini, ginpasiguro ni Salcedo nga ipasaka ang nagakaigo nga kaso sa Lunes.
