KORONADAL CITY – Indi tanan nga mga taga-South Korea ang 100% nga malipayon sa paghilisugot na nanday South Korean President Moon Jae-in kag North Korean leader Kim Jong-un nga tapuson na ang 65 ka tuig nga giyera sa peninsula kag tigayon nga maangkon ang kalinong.
Suno kay Bombo International Correspondent Girlie Simpao Yoon nga taga Lake Sebu, South Cotabato kag lima ka tuig na nga nagapuyo sa Sejong City South Korea, may mga taga-South Korea nga nabalaka sa tinutuyo ni North Korean leader Kim Jong-un bangud mahimo suno pa nga paguwa lamang ini.
Posible suno pa nga plano na sang North Korean leader nga sakupon ang South Korea.
Ini bangud mahimo nga suportado suno pa siya ni South Korean President Moon Jae-in nga may dugong bughaw gikan man sa North Korea.
Nahibaluan nga kalakip lamang sa mga refugees ang pamilya sang South Korean president rason nga naguwa ang nasabit nga mga balita.
Apang, sa kabug-usan malipayon ang tanan labi na ang Filipino community sa South Korea nga kadam-an nakapamana sang mga Koreano bangud nga wala na sila mahadlok pa nga mahimo matabo nga giyera.
sa subong, makit-an sa gihapon ang mala-fiesta nga selebrasyon sa diin man nga bahin sang South Korea.
