KORONADAL CITY- Nagapadayon ang imbestigasyon sang mga otoridad sa nagluntad nga pagpangluthang sang mga armado nga kalalakihan sa boundary sang Barangay Palian kag Sitio Balnate, Brgy. Tubeng, Tupi South Cotabato.
Ginkilala ang mga biktima nga sanday Wilmer Paratan Malida, 24, single kag Renato Malida, 32, may asawa kag lunsay residente sang Sitio Salagidan, Prk Balasiw Brgy. Palian Tupi, South Cotabato.
Suno sa imbestigasyon sang Tupi PNP samtang nagakaon ang mga biktima hinali na lamang nga nag-abot ang grupo ni Basiron Pataron Udag nga yara sa 6 ka mga armado kag ginpangluthang ang mga ini.
Naigo sa dughan si Wilmer nga giandala pa sa South Cotabato Provincial Hospital apang ginbawian man sang kabuhi.
Samtang dead on the spot naman si Renato matapos maigo sang bala sa ulo.
Sa subong, ginahibalo pa sang mga otoridad ang motibo sa krimen.
Nahibaluan nga ang napatay nga si Renato ang may standing warrant of arrest bangud sa kaso nga murder kun diin ginakabig ini nga no. 1 most wanted person sa nasambit nga banwa.
