KORONADAL CITY – Nabalaka ang pila ka mga OFW nga nagpabilin sa Kuwait kag wala nag-upod sa ginpatigayon nga repatriation sang Pilipinas makaligad ang natabo kay Joana Demafelis ang pinay DH nga ginsulod sa freezer matapos man ang ginhimo nga pagpalayas sang gobyerno sang Kuwat sa Philippine envoy.
Suno kay Bombo Middle East Correspondent Boyet Forro, kun apektado sa subong ang maayo nga relasyon sang mga Pinoy Workers sa ila nga Kuwaiti employers.
Ini makaligad nga ginpalayas sang gobnyerno sang Kuwait si Philippine Ambassador Renato Villa kasunod sang kontrobersyal nga rescue operation nga ginpatigayon sang mga opisyal sang embahada sa mga distressed overseas Filipino workers (OFWs) didto.
Suno kay Forro, nainsulto sang husto ang mga opisyal sa Kuwait sa ginhimo nga pagrescue labi na kag nakuhaan pa ini sang video nga kun isipon ginsiguro lamang sang Philippine embassy ang kaluwasan sang mga OFW didto.
Kaangot sini, lauman ang pagbubo pa sang mga OFWs gikan Kuwait nga magapauli sa pungsod bangud sa natabo.
