KORONADAL CITY- Madinalag-on nga napresentar kay Pres. Rodrigo Duterte ang 4 ka mga nagsungka nga mga myembro sang Bangsamoro Islamic Freedom Fighters (BIFF) sa iya pagbisita sa Buluan, Maguindanao kun sa diin ginsaksihan ini sang 5,000 ka persona nga kadamuan amuh ang mga Muslim halin sa 36 ka mga banwa sa Maguindanao.
Luwas sa 4 ka mga nagsungka nga BIFF members, ginprisentar man ang 963 assorted high and low powered firearms, crew served weapons kag iban pa nga war materials sa Buluan Municipal Gymnasium.
Nahibaluan nga ang nasambit nga pagbisita ang gintambungan man sang mga opisyal sang Maguindanao sa pagpanguna ni Gov. Esmael “Toto” Mangudadatu, Joint Task Force (JTF) Central sa pagpanguna ni Major General Arnel B Dela Vega para sa formal launching sang “Balik Baril” Program sa nasambit nga probinsya.
Highlight sa nasambit na programa ang paghatag sa mga nagsungka nga mga rebelde sang socio-economic assistance halin sa lokal nga gobyerno sang Maguindanao kag halin kay Pres. Duterte kun sa diin pagahatagan sila sang duta nga ila pagatanuman sang produkto kag pagahatagan man sang kaugalingon nga mga puluy-an.
