Muslim Community nalipay sa pahayag ni Duterte nga maresign kun indi mapasar ang BBL

KORONADAL CITY-Ginkalipay sang Muslim community sa probinsiya sang South Cotabato ang gin-anunsyar ni Pangulong Rodrigo Duterte nga magapanaug ini sa pwesto sa tion nga indi mapasar sa bulan sang Mayo ang Bangsamoro Basic Law 9BBL).

Ini ang ginpahayag ni South Cotabato Muslim Affairs Chief Sultan Mutalib Sambuto.

Suno kay Sambuto, naghatag sang paglaum sa mga Muslim ilabi na sa mga nagaduso nga mapasar ang BBL bangud pamatuod ang pahayag sang pangulo nga pursigido siya nga mapahalipay ang mga taga-Mindanao.

Dugang pa ni Sambuto nga ang pagpasar kag pag-implementar sang BBL ang mangin dalan sa pagluntad sang kalinong kag katawhayan sa Mindanao nga madugay na nga ginahandum sang tanan.