KORONADAL CITY- Nagdamo pa ang numero sang mga myemrbo sang Private Armed Groups sa Maguindanao nga nagsungka sang ila mga armas kadungan sang Oplan Balik Baril sang Philippine National Police kag sang Duterte Administration.
Nahibaluan nga yara sa masobra 5,000 indibidwal nga kadamuan mga Muslim ang nagpakigbahin sa pagtililipon nga gin organisa sang Provincial Government sang Autonomous Region in Muslim Mindanao sa Buluan, Maguindanao para sa nasambit nga programa kun sa diin kadamuan sa mga nagtambong amuh ang mga armado nga luyag magkooperar sa panawagan sang goyerno nga isungka na ang ila mga indi lisensyado nga mga armas.
Samtang may yara naman sang kondisyon ang mga nagsungka sang ila mga armas kun sa diin sa ila proposal kay ARMM Governor Mujiv Hataman, hinuptan nga baka lang ang luyag nila nga kabaylo sang ila mga ginsungka nga mga armas.
Ginpahayag naman ni Bombo Correspondent Chris Barroga, kalakip sa mga ginsungka nga mga armas ang ginakabug-usan sang Rocket Propelled Grenade, 60mm mortar, 81mm mortar, Cal. 45 pistol, armalite kag iban pa nga mga matag-as nga mga kalibre sang armas.
Ang nasambit nga mga indibidwal nga nagtambong sa programa ang naghalin pa sa 36 ka mga munisipalidad sang Maguindanao.
