KORONADAL CITY – Magaatubangay ang amay kag bata sini sa Barangay Lampari, Banga, South Cotabato bilang kandidato sa pagka-barangay chairman sa palaabuton nga eleksiyon sa Mayo.
Ini ang ginkumpirmar ni Nida Caños, municipal comelec officer sang Banga sa interbyu sang Bombo Radyo Koronadal.
Suno kay Caños, nahibaluan sini ang pagfile sang certificate of candidacy (COC) sang mag-amay nga Jack at Rahib Mama makaligad ang ginpatigayon nga candidates briefing kahapon.
Suno sa iya, gin-istorya niya mismo ang dfuha kag ginpromisa sang mga ini nga indi sila magkinagamo sa baylo igarespeto nila anuman ang mangin resulta sang eleksiyon.
Nahibaluan nga ang bata nga si Rahib Mama amo ang incumbent Barangay Chairman samtang ang amay sini nga si Jack Mama ang anay Barangay Kagawad kag nagserbe naman sa sulod sang 3 ka termino.
Kaangot sini, posible nga ilakip sa igapaidalom sa isinailalim sa areas of immediate concerns sa subong nga election period ang nasambit nga barangay.
Ini bangud may mga nareport man nga mga election related violence sa nasambit nga barangay sang naglabay nga mga eleksiyon.
