KORONADAL CITY- Madinalag-on ang ginpatigayon nga operasyon sang mga otoridad batuk sa mga wanted persons sa Sitio Bukay El, Brgy. Sinapulan, Columbio Sultan Kudarat kag sa Brgy. Colunsabak, Matanao Davao del Sur.
Nahibaluan nga ang operasyon ang ginpatigayon sang gintingob nga pwersa nga Columbio PNP kag sang 39th IB nga nagresulta sa pag-arestar sa mga wanted persons nga sanday Nere Masamlok y Saban, (top 1) 50 anyos, halin sa Blaan tribe, balo, mangunguma kag residente ng Sitio Bukay El, Brgy. Sinapulan, Columbio, Sultan Kudarat, Tony Masamlok y Saban, (top 2) 50 anyos, may asawa, mangunguma, Enrile Masamlok y Awing, (top 3) 27 years old may asawa , mangunguma kag si Rudy Panja y Gabay, (top 4) 39 anyos, may asawa, kag isa ka mangunguma nga naghalin man sa B’laan in tribe nga mga residente sang Brgy Colunsabak, Davao Del Sur.
Sa gahum sang Warrant of Arrest sa kaso nga Murder sa idalum sang Criminal Case No. 4914-C (16) with no bail bond nga ginpagwa ni Honorable Judge Milanio Guerrero sang RTC Branch 20 Tacurong City madinalag-on ang pag-arestar sa mga ini.
