KORONADAL CITY – Nagdangop sa waragwagan sang Bombo Radyo Koronadal ang pamilya sang isa ka Overseas Filipino Worker sa pungsod Kuwait nga residente sang Banga, South Cotabato.
Sa ekslusibo nga interbyu sang Bombo Radyo Koronadal kay Robert Remejio, ginakabalak-an nila ang iya nga utod nga si Nelia Remejio 54, anyos nga isa ka Pinay DH sa Kuwait nga sa karun na-coma.
Dugang pa sini nga wala man sila sang ihibalo sang matuod nga natabo sa iya ilabi na nga sa social media lang ang ila nga komunikasyon..//Dugang pa sini nga nakit-an na lamang nila ang post sang kaupod sini sa trabaho nga nagasiling nga nacomatose ang ila utod.
Wala man sila sang mga nauyatan nga mga dokumento kag wala sila sang ihibalo sa identity sang mga amo sang nasambit nga Pinay Domestic Helper mangin man ang ahensya sini.
Gindugang pa ni Robert nga aminado sila nga overstaying na ang iya utod nga si Nelia Remejio sa Kuwat bangud 2 yrs lang dapat ang kontrata sini apang naglab-ot na ang pinay DH sa 5 ka tuig nga pagtrabaho.
Suno pa kay Robert, ginsuportahan na lamang nila ang ila utod nga indi magbalik sa Pilipinas bangud rason ni Nelia nga wala man ini sang maayo nga palangabuhian kun pungsod magabalik.
