KORONADAL CITY – Nagapadayon ang imbestigasyon sang mga otoridad sa pagpangluthang-patay sa mag-asawa sa banwa sang Lutayan, Sultan Kudarat.
Ginkilala ang mga napatay nga sanday Joze Ballon at Marissa Ballon nga nagaarkila lamang sa isa ka boarding house sa Purok Buguimvilla, Barangay Tamnag sa nasambit nga banwa.
Suno kay Police Supt Herman Luna, hepe sang Lutayan Municipal Police Station, may natumod na sila nga suspek sa krimen kun diin ginpahayag nga nag-ugat ang pagpangluthang sa pautang.
Wala na nakalab-ot pa sa hospital ang duha bangud sa igo sang bala sa nagkalain-lain nga bahin sang lawas sang mga ini.
Gilayon naman nga ginlubong si Marissa suno sa pagtuo nga Islam samtang gindala naman ang bangkay ni Joze sa banwa sang Banga South Cotabato.
Narekober sa crime scene ang 20 slug kag empty shell sang .cal. 45 kag .cal 40.
Ginpangita na sa subong sang mga otoridad ang mga suspek sa natabo nga krimen.
