KORONADAL CITY- Nagresulta sa kamatayon sang prime suspect ang ginkasa nga buy-bust operation sang Tacurong City PNP kag SKPMF-SWAT personnel nga ginpatigayon sa Prk. Sta. Teresita Brgy. Calean Tacurong City makaligad magbato sa target.
Sa ginpalab-ot nga impormasyon sang Bombo Rady Koronadal ang suspek ang ginkilala nga si Dodong Santillana, residente sang Kitao tao Bukidnon kun sa diin nagpalupok suno pa ini sang armas luthang sang masiplatan nga nagapalapit na ang mga operatiba nga nagresulta sa pagbalos man sang mga pulis nga nagresulta sa kamatayon sini.
Sa nasambit nga operasyon isa ka Rubelyn Lanto man ang na-arestar samtang isa pa ka kaupod sini nga babayi ang nakapalagyo.
Base sa imbestigasyon ang grupo sang suspek ang imbulbado sa pagbaligya sang mga peke nga mga gold bars kag kadamuan sa mga biktima ang mga taga Bukidnon kag iba pa nga mga probinsya samtang ang pinakabag-o nila nga biktima amuh ang isa ka manunudlo sa Pres. Quirino Sultan Kudarat kung sa diin nakapanonto sila sang P50,000.00.
Narekober man sa mga suspek ang 1 fake gold bar, 1 unit sang cal. 38 piso kag 3 live ammunitions kag isa ka plastic sachet nga may unod nga shabu.
