KORONADAL CITY – Nangin emosyunal suno pa ang team sang Dance sports gikan sa SOCCSKSARGEN ukon Region 12 matapos nga makuha ang gold medal sa nagapadayon nga Palarong Pambansa 2018 sa Ilocus Sur.
Ginpahayag sa Bombo Radyo Koronadal ni Ariane Calixton Pajinag, coach sang dance sports nga lubos ang ila nga kalipay makaligad nga makuha nanday Ronie Carcel-Trinidad Jr. kag Arjannah Margarette ang gold medal sa Juvenile D. Latin kag silver naman sa Juvenile C Latin elementary category.
Suno kay Pajinag, mas nangin matam-is ang pagkuha nila sang gold medal bangud sa ini ang promisa ni Ronie, isa sa mga dancers sa napatay suini nga iloy bangud sa cancer.
Nagasagol nga subo kag kalipay naman ang ginpakigbahin ni Ronie sa kadalag-an nga naangkon nila sang iya partner nga si Marga.
Suno sa iya, nakahalin lang siya padulong sa Vigan sang napatay ang iya iloy.
Masakit suno pa para sa iya ang natabo apang nangin inspirasyon niya ini agud nga kay-uhon pa ang performance agud nga makuha ang gold medal.
Nahibaluan nga suportado sang iya nga napatay nga iloy si Ronie kun diin sa kada performance sini nagaupod siya.
