KORONADAL CITY – Malipayon nga ginpakigbahin ni Princess Sheryl Valdez sang Tacurong City, Sultan Kudarat ang kalipay makaligad nga mabaton ang P75,000 nga cash incentive bilang bemedalled athlete sang Region 12 ukon SOCCSKSARGEN sa nagapadayon nga 2018 Palarong Pambansa sa probinsiya sang Ilocos Sur.
Sa eksklusibo nga interbyu sang Bombo Radyo kay Valdez, ginpahayag sinia nga igahatag niya ang kwarta sa iya nga mga ginikanan kun diin ang kabahin sini ang igabakal niya sang bisikleta bilang regalo sa iya kaugalingon.
Suno pa kay Valdez, nagapasalamat siya sa Ginoo, sa iya mga ginikanan kag sa tanna nga nagasuporta sa iya lakip na sang mga kaupdanan sini sa Team Arnis gikan sa Tacurong City.
Nahibaluan nga idol ni Princess ang iya lolo nga isa ka pulis nga maayo man sa Arnis rason nga sa pagdako sini, handum niya nga mangin pulis.
Nahibaluan nga 11 gold medals ang nakuha sang Region 12 sa patag sang arnis.
Kadungan sini, ginapsiguro naman sang DepED-12 nga mahatagan tanan sang incentives ang mga atleta gikan sa SOCCSKSARGEN.
