KORONADAL CITY– Nakabatak sa karun ang alerto sa bug-os nga probinsya sang Maguindanao bangud sa asud-asod nga insidente sang pagpang-atake sang mga rebelde.
Nahibaluan nga napagkit ang panibag-o na naman nga pagsigabong sang Improvised Explosive Device sa Brgy. Awang sa banwa sang Datu Odin Sinsuat Maguindanao kun sa diin isa ka sidewalk vendor ang napilasan nga ginkilala kay Cherry Joy Harayo, 21 anyos, residente sang nasambit nga lugar kun sa diin 2 ka mga armado nga kalalakihan ang ginatudlo nga yara sa likod sang pagpasigabong sang ginapatihan nga mga myembro sang Bangsamoro Islamic Freedom Fighters.
Samtang sa pihak nga bahin, ginsundan naman ini sang paniba-o nga engkwentro sa tunga sang militar kag sang BIFF kun sa diin naka engkwentro sang Bravo Company sang 40IB PA ang wala pa natumod nga numero sang mga rebelde sa Brgy. Nabundas Shariff Saydon Mustapha, Maguindanao kun sa diin sa interbyu sang Bombo Radyo Koronadal kay Army Captain Arvin Encinas tagpamaba sang 6ID Philippine Army, isa ang napagkit nga pilason sa BIFF kag maswerte naman na wala sang casualtie sa militar.
