KORONADAL CITY- Emosyonal ang iloy sang most medalled athlete halin sa rehiyon 12 makaliad nabatian sini sa Bombo Radyo Koronadal ang kadalag-an sang iya sini nga bata sa nagapadayon nga Palarong Pambansa 2018.
Sa interbyu sang Bombo Radyo Koronadal kay Gng. Regina Valdez, proud mommy ini sa ginpakita nga talento san iya bata nga si PrincessSheryl Valdez, 11 anyos, Arnis player halin sa Tacurong City Sultan Kudarat kun sa diin indi ini makapati nga 4 ka bulawan na mga medalya ang nadag-an sang iya nga bata sa una nga adlaw pa lang sang Palarong Pambansa 2018.
Nahibaluan nga 4 ka mga bulawan nga medalya ang nahakot sini halin sa Individual Solo Baston, Individual Double Baston, Individual Espada Y Daga kag sa Synchronized Solo Baston Elementary Girls.
Samtang pihak nga bahin, proud ate man si Sheena Mae Valdez, 13 anyos para sa iya utod nga si Princess bangud sa ginpakita sini nga kaayo sa paghampan sang arnis kun sa diin napamatud-an sang iya utod nga yara na sa bloodline sang ila pamiya ang paghampang sang arnis kun sa diin nahibaluan nga si Sheena ang isa man ka anay gold medalist sa palarong pambansa samtang ang lolo nila nga retired police ang mahiligon man sa arnis.
