KORONADAL CITY – Suportado sang mga opisyal sa probinsiya sang South Cotabato ang pagpasaka sang kaso sa 73 ka mga Barangay Officials nga napaslawan nga mga anti-drug abuse councils (BADAC) sa bilog nga pungsod.
Ini ang reaksiyon Provincial Anti-Drug Abuse Council (PADAC) kag South Cotabato 2nd Broad Member Agustin Demaala sa interbyu sang Bombo Radyo Koronadal.
Suno kay Demaala, antes pa man ang rekomendasyon sang DILG madugay na nga ginpaandaman ang mga barangay officials kun wala ang mga ini magtutok sa BADAC sa tagsa nila ka mga nasakupan, magapangatubang ang mga ini sang kaso.
Kadungan sini, ginpasiguro ni Demaala nga sa 199 ka mga barangay sa South Cotabato 4 lamang ang non-performing ukon ang mapahayag sini nga indi pa cleared sa droga tubtob sa subong.
Napag-alaman na ang PADAC-South Cotabato ang isa sa mga awardee sa buong rehiyon dose pag-abot sang implementasyon sang programa batuk sa illegal drugs.
