KORONADAL CITY- Naturnover na ang bangkay sang isa ka rebelde nga NPA nga nakutkutan sa Brgy. Sto. Niño, Bagumbayan Sultan Kudarat.
Nahibaluan nga ang bangkay ang natumod sa pangalan nga Danian nga isa ka regular nga myembro sang platoon Toro-toro sang Guerrilla Front 73, Far South Mindanao Region nga ginapatihan nga napatay sang Disyembre 2017 sa nagluntad nga encounter sa Sitio Datal Bonglangon sa tunga sang militar kag rebelde nga NPA.
Makaligad ang nahukay nga bangkay sang rebelde, ginsundan man ini sang pagsungka sang 6 pa ka mga myembro sang Platoon Arabo sang komunista kag rebelde nga NPA sa nasambit nga banwa kag ginsundan man sang pag withdraw sang suporta sang 430 mass base supporters sang communist movement.
Kadungan sang pagsungka, nagpanumpa man sila nga pagasuportahan ang gobyerno kag ila ginturnover ang ila mga armas kag mga dokumento nga may kaangtanan sa NPA.
