KORONADAL CITY – Dako ang posibilidad nga extortion ang motibo sang mga armado nga grupo nga responsable sa pagsunog sang bodega sang banana packing plant sa Sitio Kalpisot, Brgy Lunen, Tupi, South Cotabato.
Sa interbyu sang Bombo Radyo Koronadal kay PSSUPT Nestor Salcedo, provincial director sang South Cotabato, mahimo nga wala naghatag sang revolutionary tax ang tag-iya sang Dole Stanfilco rason nga ginhimo sang mga rebelled nga NPA ang pagpangsunog.
Suno kay SAlcedo, nagpakilala pa ang mga armado nga sila ang mga katapu sang rebelde antes pa man ang ginhimo nga pagpangsunog.
Ginabulubanta nga yara naman sa P500,000 ang kantidad sang napagkit nga damyos sa pagkasunog sang nasambit nga packing plant base sa assessment sang Bureau of Fire Protection.
Madumdumnan nga ginpapanago sa gate sang napulo ka mga armado ang mga empleyado sang nasambit nga bodega antes ang ginhimo nga pagbuhos sang gasoline kag ginsindutan ini.
Kaangot sini, ginpahugtan pa ang seguridad sa nasambit nga lugar banggud sa ginhimo nga pag-atake sang mga ginapatihan nga NPA.
