Bangkay sang 2 ka babaye nasapwan sa Tubuhan sa Matalam North Cotabato

KORONADAL CITY- Nagapadayon ang imbestigasyon sang Matalam PNP sa nasapwan nga bangkay sang 2 ka babayi sa tanuman sang tubo sa Brgy. Marbel, Matalam North Cotabato.

Suno sa impormasyon nga ginpalab-ot sang mga otoridad posible nga mga biktima ang mga ini sang pagpanglugos bangud sa mga narekober nga maong shorts, tsinelas kag underwear malapit sa lugar kun sa diin sila nasapwan.

Halos wala naman sang mga bayo ang mga biktima sang masapwan kun sa diin ginahibalo pa ang identity sang mga ini.

Sa karun ginapadasigan na ang pagpangita sa mga himata sang nasambit nga mga biktima ilabi na nga yara na sa state of decomposition ang mga ini.