KORONADAL CITY- Nakabatak sa karun ang alerto sa bug-os nga North Cotabato makaligad ang napagkit nga asud-asod nga pagpang-atake sang mga lawless elements sa nasambit nga probinsya.
Kasunod sini ginkibot naman sang pagsigabong ang banwa sang Magpet sa nasambit nga probinsya makaligad ginpasigabungan sang rebelde kag komunista nga New People’s Army ang military truck sang 19th Infantry Battalion Philippine Army.
Suno kay Police Superintendent Bernard Tayong tagpamaba sang Cotabato Police Provincial Office nagluntad ang pagsigabong sang Improvised Explosive Device samtang ginasubay sang militar ang dalan sa Brgy. Tagbac sa nasambit nga banwa kun sa diin makaligad ang pagpasigabong, na-engkwentro pa sang militar ang ginabulubanta nga indi magnubo sa 15 ka mga armado.
Nagdugay naman sang 10 ka minutos ang baslanay sang lupok tubtob sa nagpalagyo angg mga rebelde kag maswerte nga wala san napilasan sa bahin sang militar.
Mga myembro sang Guerilla Front 53 sang NPA yara sa likod sang pagpasigabong kun sa diin sa karun padayon ang hot pursuit operation batuk sa bandido.
