KORONADAL CITY- Ginpahayag ni South Cotabato Governor Daisy Avance-Fuentes nga maapektuhan ang pagmina sa probinsya sang South Cotabato sa tion nga mapatuman ang pagpaandam ni Pres. Rodrigo Duterte sa mga mining companies nga sarang nalang palawigon ang open pit mining tubtob sa magasunod nga tuig.
Madumduman nga ini ang nangin pahayag sang presidente bag-o ini nagbyahe kahapon padulong sa Hainan, China para sa Boao Forum for Asia.
Sa interbyu sang Bombo Radyo Koronadal kay Gov. Fuentes, aminado ini nga maaapektuhan ang mining industry sa South Cotabato bangud kun ano ang mando sang legislative authority, ila ini pagasundon bangud ini ang mas makagagahum.
Nahibaluan nga sa karun ang ginapakigbato sang probinsya amuh nga may yara man ini sang autonomy kag wala nakapagkit kun kinahanglan nila nga sundon ang naga-eksister nga method of mining sang pungsod bangud may yara man sang kinamatarong ang provincial ukon lokal nga gobyerno nga magpamalibad sa isa ka mining company kun ang pamaagi sang pagmina ang makaguba sa kinaiyahan.
