KORONADAL CITY- Yara na sa kustodiya sang mga otoridad ang 9 ka mga myembro sang Bangsamoro Islamic Armed Forces-Moro Islamic Liberation Front (BIAF-MILF) makaligad maarestar bangud sa ila partisipasyon sa rido o clan war.
Nahibaluan nga bangud sa nag ibwal nga rido sa General Salipada K Pendatun ginbatak sang tropa sang gobyerno ang alerto bangud sa engkwentro sa tunga sang grupo ni Commander Mohammad “Baure” Pausa nga isa ka national guard sang MILF at Datu Dima “Paltie” Mamaluba nga nagresulta sa pagka-arestar sang mga suspek sa ginpatigayon nga checkpoint sa Crossing Brgy. Ramcor GSK Pendatun samtang sakay ang mga ini sang top-down jeep kun sa diin natumod ang mga nadakpan nga sanday si Esmael P Sampiano; Talipasan Lachali; Duma Lachali; Abubakar K Kamactil; Abpa M Kuradsang; Mohamad T Viajar; Tinod V Dimaguil; kag Commander Taib M Kalanganan.
Nakumpiskar sa mga suspek ang mga war materials nga ginakabug-usan sang 2 Rifle 5.56mm-M16A1 (Elisco); 1 home-made Caliber 50 Barret; 1 Rifle 7.62mm-M14(US); 6 5.56mm Short Magazines; 1 5.56mm Long Magazine; 5 7.62mm M14 Magazine; 84 rounds 7.62mm ball ammunition; 18 Caliber .50 ball ammunition; 139 5.56mm ammunition; kag bandoliers.
Sa separar man nga checkpoint naarestar ang isa ka Kaha K Gulidtem, 58 anyos, may asawa kag residente sang Galidang, Tulunan, North Cotabato kun sa diin narekober sa posisyon sini ang isa ka motorsiklo nga may yara sang plate number nga MC25456. kag Cal. 45 pistol nga may 3 fully loaded magazines.
Ang pagka-arestar sa mga suspek ang ginpatigayon sang 14th Mechanize Company sang 1st Mechanize Infantry Battalion sa pagpanguna ni 1Lt. Lyle Van L Pañamogan.
