KORONADAL CITY – Nagapadayon ang hot pursuit operation sang mga otoridad batuk sa suspek nga naghaboy sang granada sa detachment sang Sultan Kudarat Provincial Mobile Force Company (SKPMFC) pila ka metro ang kalayuon mismo sa Barangay Hall sang Poblacion sa banwa sang President Quirino sa nasambit nga probinsya.
Inia ng ginkumpirmar ni Police Senior Supt. James Gulmatico, provincial director sang Sultan Kudarat sa interbyu sang Bombo Radyo Koronadal.
Suno kay Gulmatico, ginahibalo pa sa subong sang Police Provincial Office Explosive Ordinance Division kun ano nga sahi sang granada ang gingamit sang suspek sa pagpalupok pasado alas 9:00 kagab-i.
Suno sa iya, antes pa man ginhaboy sang suspek ang granada sa mismo nga compound nga nag-igo sa atup sang comfort room, may nakakita na sa suspek nga nakasakay sa motorsiklo.
Maayo na lamang kag nakahanda ang kapulisan rason nga wala sang may nareport nga napilasan sa pagsigabong.
Sa subong, may ginasundan na nga anggulo ang mga pulis sa hitabo apang nagpamalibad anay si Gulmatico nga ipahayag ini.
Madumduman nga sang nagligad nga gab-i isa man ka pagsigabong ang natabo sa Barangay Tinaungan sa nasambit nga banwa.
