KORONADAL CITY- Nagakabatyag karun sang depresyon ang isa ka Pinay Overseas Filipino Worker halin sa pungsod Qatar makaligad ini nga malamita sa isa ka iskandalo.
Sa ekslusibo nga interbyu sang Bombo Radyo Koronadal kay alyas Nida, 43 anyos may yara sang asawa kag 6 ka mga bata halin sa Bicol, nagsugod suno pa ang dako nga problema sini makaligad nga makaangkon sang Online Boyfriend sa Facebook halin sa Brgy. Lilit Lambayong Sultan Kudarat nga ginkilala sa pangalan nga Ian L. Saliento 44 anyos nga may yara man suno pa sang bana kag mga kabataan.
Suno kay Nida, Marso 2017 suno pa sang nagsugod ang ila nga online relationship kun sa diin apisar nahibaluan sini nga bawal ginpadayon sa gihapon niya ang pakigrelasyon tubtob sa nahulog ang iya buot sa lalaki kag ginpadal-an niya ini sang masobra yara sa P150,000.00
Samtang indi lamang ini ang problema sang nasambit nga Pinay DH bangud ginpalapta man sang suspek ang iya laragway nga naga-uba kag iban pa nga mga bastos nga selfie nga ginapasa sini sa nasambit nga online bf.
Sa karun nahadlok na suno pa ini bangud posible sya nga mapahamtangan sang silot sa Qatar sa tion nga maglab-ot sa mga otoridad ang iya mga hublas nga mga laragway.
