KORONADAL CITY- Sa presuhan na magapamalandong subong nga Semana Santa ang 3 ka mga durugista nga naarestar sa ginpatigayon nga Anti-Illegal Drug Operations sang Sultan Kudarat PNP kag Regional Mobile Force Battalion sa Brgy. Numo, Esperanza Sultan Kudarat.
Sa impormasyon nga ginpalab-ot sa Bombo Radyo Koronadal ni Bombo Correspondent Larry Geronio, ang mga naarestar nga mga suspek amuh sanday Marlon Flores Nogral, isa ka Rex Liboon kag ang ginasiling nga Bigtime Drug pusher nga si Anomo Domer Solis nga naga operate indi lamang sa banwa sang Esperanza, Sultan Kudarat apang mangin man sa kalapit nga mga kabanwahanan sa nasambit nga probinsya.
Sa separar nga operasyon narekober sa posisyon ni Solis ang 7 pakete sang shabu kag mga drug paraphernalia samtang kay Liboon nakuha ang 5 pakete sang shabu kag mga drug paraphernalia kag kay Nogral nakumpiskr ang 4 ka pakete sang shabu.
Suno naman kay Brgy. Numo kapitan Eliseo Katekista si Solis ang madugay na nga ginabantayan bangud sa indi mapa-athag nga propidad kun sa diin sa sulod lang sang pila ka bulan nakabakal na ini sang 3 ka mga marahalon nga mga salakyan apisar wala sang trabaho.
Sa karun yara sa kustodiya na sang Esperanza PNP ang mga nadakpan nga mga suspek kag magapangatubang sa kaso nga paglapas sa R A 9165 o Comprehensive Dangerous Drugs Act of 2002.
