Seguridad sa South Cotabato ginpahugtan sa igapatigayon nga Hublag Protesta sang masobra 200 former NPA rebels

KORONADAL CITY- All set na subong nga alaw ang igapatigayon nga Mindanao Peace Rally sang mga anay rebelde nga NPA, Muslim leaders kag Lumad leaders sa banwa sang Surallah South Cotabato.

Una na nga ginpahayag ni PCI Jardi Sibal hepe sang Surallah PNP nga yara sa 200 ang magapartisipar sa nasambit nga aktibidad kadungan man sang Martes Santo.

Nakig-koordinar na sa ila ang mga organizers sang nasambit nga rally kun sa diin ginpasiguro sini nga magadeploy ang PNP sang magapatuman sang seguridad sa palibot.

Mangin venue naman sang rally ang Gymnasium sang Surallah South Cotabato kun sa diin mangin ang AFP ang magabulig man sa pagsecure sang lugar agud malikawan ang anuman nga kinagamo