KORONADAL CITY- Ginpahinumduman ni Renato Padua, Regional Director sang Land Transportation Franchising Regulatory Board (LTFRB) Region 12 ang tanan nga mga Private kag Public Utility Vehicle Drivers nga indi magsako sa ila nga byahe para sa seguridad sang mga pasahero.
Ini kadungan sa pagobserbar sang Semana Santa kun sa diin, kadam-an sa publiko ang nagapauli sa ila tagsa ka mga probinsya.
Suno kay RD Padua, kun ang byahe ang masobra 8 ka oras nga tayuyon, nagakadapat nga may yara sang Alternate Driver magluwas pa sa konduktor.
Ini agod malikawan nga makatulog sa byahe bangod sa tuman nga kakapoy.
Dugang pa ni Padua nga indi dapat nga maglapas ang mga Drivers sa mga ginaimplementar nga Speed Limit sa mga dalanon agod nga malikawan ang ano man nga sahi sang disgrasya.
