KORONADAL CITY- Naghugpong sang pwersa ang Sultan Kudarat PNO, Maguindanao PPO kag Philippine Army sa manhunt operations batuk sa 2 ka suspek sa pagpangluthang sa puluy-an sang isa ka pulis kag pagpasigabong sang granada sa isa ka Debut Party sa banwa sang Lambayong, Sultan Kudarat nga ginkapatay sang 1 ka indibidwal kag nagbilin sang 20 sugatan.
Sa interbyu sang Bombo Radyo Koronadal kay PSSUPT Raul Supiter Police Provincial Director sang Sultan Kudarat PNP, natumod na nila ang mga identity sang ma suspek kun sa diin gilayon nga nagpatigayon san Hot Pursuit Operation ka natumod ang kuta sang mga suspeks sa Brgy. Bulod sa Sultan sa Barongis, Maguindanao.
Suno kay Col. Supiter, wala na nila naabtan pa ang mga suspek apang narekober nila ang nagkalain-lain nga sahi sang mga armas, madamo nga mga bala, bandoliers, mgauniporme nga ginapatihan nga iya ka BIFF kag narekober man ang mga halampangan, 2 ka carnap nga motorsiklo kag drug paraphernalia kag mangin ang iligal nga droga.
Dugang pa ni Col. Supiter nga yara sa palibot lang ang mga ini apang nangin mahalong sila sa ila operasyon agud indi ma-pintakasi sa lugar nga ginapalibutan sang mga rebelde kag gintawag pa sini ang Sultan sa Barongis nga pugad sang mga kriminal kasubong san durugista, carnapper kag isa ini sa mga ginakabig nga lugar sa Maguindanao nga indi basta-basta lang nga masulod sang mga ordinaryo nga mga pumuluyo bangud sa mga kriminal nga naga operate sa nasambit nga banwa.
