KORONADAL CITY- Nagapadayon pa ang imbestigasyon sang Sultan Kudarat PNP sa nagluntad nga pagpangluthang kag pagpasigabong sang granada sa Brgy. Palumbi, Lambayong Sultan Kudarat.
Se ekslusibo nga interbyu sang Bombo Radyo Koronadal kay PSSUPT. Raul Supiter, Police Provincial Director sang Sultan Kudarat PNP, 2 ang suspek sa nasambit nga krimen kun sa diin target suno pa sang mga ini ang puluy-an sang isa ka pulis kun sa diin pag-abot sa puluy-an sang pulis ginpaulanan ini sang bala kag malala nga napilasan ang tiyo sini samtang maswerte nga wala ang target nga pulis sang ginhimo ang pagpang-atake.
Makaligad nga nagpangluthang sa puluy-an sang pulis, ginpadulungan man sang mga suspek ang katupad nga puluy-an kag dire nagpanghaboy kag nagpasigabong sang granada sa Debut Party kun sa diin 18 ang malala nga pilason kag 1 ang ginbawian sang kabuhi nga si Joemar Obaldo.
Ginlagas pa sang mga barangay tanod ang mga suspek apang mangin sila ang ginpaulanan man sang bala usar ang cal. 45 nga armas luthang kagg tigayon ang mga ini nga nakapalagyo.
Suno kay Col. Supiter retaliation sa asud-asod nga anti-illegal drugs operation ang kabangdanan sang nasambit nga krimen kun sa diin nagpamalibad anay ini nga hingadlan bangud nagapadayon pa ang imbestigasyon samtang ang mga pilason ang padayon pa nga gina-hibalo ang identity.
