KORONADAL CITY- Direkta nga ginpahayag ni South Cotabato Governor Daisy Avance-Fuentes nga Mafia suno pa ang yara sa likod sang Road Right of Way Scam sa syudad sang General Santos.
Ini ang ginpahayag sang gobernadora ekslusibo sa Bombo Radyo Koronadal base sa mga opisyal nga iya naka-istorya angot sa nasambit nga isyu kun sa diin suno sa gobernadora, ginhana pa nga sudlon sang grupo sang sindikato ang Maitum to Ned Lake Sebu RROW apang napunggan.
Nahibaluan nga nagalab-ot suno pa sa P39 million kada ektarya ang ginrecommend sa magkasunod nga administrasyon sa probinsya kun sa diin dire na nakaangkon sang pagduda kag ginpatigayon ang re-assessment kag natukiban nga may ginapalapta nga signature campaign sa mga tag-iya sang duta agud nga ibaligya ini sang 39 million kada ektarya nga overpricing suno pa.
Makaligad suno pa nga napunggan ang pagsulod sang sindikato sa transaksyon sa pagbakal sang RROW, nakaangkon pa sang tensyon sa isa ka Muslim Clan kag ginpaandaman pa ang kabuhi sang gobernadora kag sang pila ka mga opisyal sang probinsya.
Dugang pa ni Gov. Fuentes nga suno sa iya masaligan nga source, indi lamang ini nagaluntad sa GenSan apang mangin man sa iban pa nga lugar kun sa diin may yara sang grupo sang mga Regional Directors nga may RROW nga ghost kag overpriced.
