KORONADAL CITY- Gina-istoryahan karun sa social media ang isa ka working student halin sa Notre Dame of Marbel University sa syudad sang Koronadal makalgad ang agaw atensyon sini nga caption sa iya graduation picture.
Nagsirbe nga inspirasyon sa mga kabataan ang istorya ni Christopher Dahn Saliendra 26 anyos graduating student sang NDMU sa kurso nga BSED-Mathematics kag isa ka working student makaligad ini nga magtrending sa social media sang ginpakigbahin sini kun paano nabalanse kag nalampuwasan ang pagtilaw bilang isa ka working student.
Nahibaluan nga emosyonal ang mga netizens sa facebook bangud sa graduation picture sini nga may uyat nga silhig kun sa diin sa interbyu sang Bombo Radyo Koronadal kay Saliendra ang silhig ang nagasirbe nga pahanumdum sa iya nga ang pagtakop sini sa kolehiyo makaligad ang halos 6 ka tuig ang bunga sang iya pagpaninguha sa pagtuon.
Kadungan sang iya pagtakop, luyag sini nga awhagon ang mga kasubong nga halin sa kapigaduhon nga magpaninguha sa kabuhi sa pihak sang pagtilaw agud malab-ot ang ambisyon.
