KORONADAL CITY- Ginapabugal sang probinsya sang South Cotabato ang isa ka South Cotabateño nga nag gradwar sa Philippine Military Academy kahapon nga adlaw.
Sa ekslusibo nga interbyu sang Bombo Radyo Koronadal kay 2Lt. Blaine Joseph Langub halin sa Brgy. Poblacion Tupi, South Cotabato, wala ini nag ekspektar na masarangan sini ang pagtikaw sa sulod sang na akademya nga tuman ka layo sang ini ang isa pa lamang ka sibilyan.
Nahibaluan nga inspirasyon sini ang iya amay nga isa man ka Heneral kag ang pagpanerbisyo sa pungsod.
Dugang pa nga 3 ka bes ini nga nagtake sang entrance exam sa PMA kag sa ikatatlo nga tion nakasulod ini sa akademya…//Samtang sa 4 ka tuig sini nga pagka kadete sa PMA, natun-an sini ang disiplina sa kaugalingon kag ginkabuhi sini kag sang iya mga kasubong nga kadete ang Courage, Loyalty kag Integrity.
Nahibaluan nga maga sulod ini sa Philippine Air Force.
Samtang ginpakigbahin man sini ang gin-istoryahan nila ni Pres. Rodrigo Duterte sa awarding sa diploma kun sa diin ginpahanumduman ini ni Pres. Duterte nga mangin tampad sa pungsod, ipabilin ang loyalty sa pungsod kag indi pagpabay-an ang pungsod.
