KORONADAL CITY– Ginbawian sang kabuhi ang isa ka lalaki samtang pilason naman ang isa ka pulis sa natabo nga aksidente sa dalanon sa banwa sang Banga, South Cotabato.
Ginkilala ni Police Chief Inspector Verlin Pampolina, hepe sang Banga PNP, ang napatay nga si Hernan Awan Simpal yara sa legal nga edad kag residente sang Sitio Valencia, Barangay San Vicente sa nasambit nga banwa.
Suno kay Pampolina, nabunggo sang motorsiko nga ginamaneho ni SPO3 Dexter Pelotera, 36 nga taga banwa sang Surallah kag na-assign sa 3rd Maneuver Platoon,1202nd mobile force sang PNP si Simpal matapos nga hibali nagtabok sa national highway.
Bangud sa kabaskog sang pagkabunggo nag-angkon sang madamo nga pilas si Simpal kun diin gindeklarar ini nga dead on arrival sa South Cotabato Provincial Hospital.
Samtang, pilason naman ang pulis makaligad nga magtabog ini sa ginamaneho nga motor.
Sa subong, nagapaayo na sa Upper Valley Community Hospital sa banwa sang Surallah,South Cotabato ang nasambit nga pulis.
