KORONADAL CITY- Ginkondinar ni Magdalo Rep. Gary Alejano ang plano ng pagwithdraw ni Pres. Rodrigo Duterte sa Treaty sa Rome Statute kun sa diin ginatawag sini nga unfortunate para sa Pilipinas ang nasambit nga tikang sang presidente.
Dugang pa sini nga ang Pilipinas suno pa ang isa sa mga nagapanguna sa pagratify sang mga international human rights agreement apang sa karun nahimo na suno pa nga karadlawan bangud ang Pilipinas mismo ang maga-isol sa nasambit nga kasugtanan.
Suno kay Alejano ang nasmabit nga kasugtanan ang may importante nga papel agud matutukan ang mga kaso sang pinatyanay kag kawad-an sang hustisya sa pungsod.
Dugang pa nga ang pagwithdraw ang nagakadapat nga ginpaagi suno pa sa written notice kag ginpadala sa UN Secretary General nga si Antonio Guterres kag kun sa tion nga nakapadala gid man sang written notice, indi sa gihapon ini luwas sa mga ginapangatubang nga mga kaso sa International Criminal Court o ICC bangud 1 ka tuig pa ang epekto sang pagbawi sa kasugtanan kag magapabilin sa gihapon ang coverage of jurisdiction sang ICC sa nasambit nga isyu.
