KORONADAL CITY- Posible nga case close na ang pagpatay sa 9 anyos nga bata sa banwa sang T’boli South Cotabato makaligad maghikog patay sa iya nga selda ang suspek nga si Sonny Kagalingan.
Ini ang ginapahayag ni PCI Ramil Villagracia hepe sang T’boli PNP.
Samtang sa pihak nga bahin apisar klaro nga naghikog suno pa ang suspek, ginpreparahan man nila nga ipa autopsy ang bangkay ni Kagalinga agud nga mapamatud-an nga ini ang naghikog sa pihak sang madamo nga alegasyon nga ginpatay ini bilang balos sa paghimo sang brutal nga krimen sa bata nga biktima.
Kaangot sini, ginpahayag ni Police Chief Inspector Ramil Villagracia hepe sang T’boli PNP sa ekslusibo sa Bombo Radyo Koronadal nga madugay na suno pa nga kursunada sang naghikog patay nga suspek sa rape-slay ang 9 anyos nga biktima.
Ini bangud masami ginatamyaw ni Sonny Kagalingan kag ginadayaw nga maanyag kag mabuot nga bata.
Mangin sa pamilya sang biktima iya ginapahayag ang pagdayaw sa biktima antes pa ginhimo ang makangilidlis nga krimen.
Nahibaluan man nga isa ini ka pedophile kag nadakpan man ini nga nagapanglingling sa nasambit nga lugar.
