KORONADAL CITY- Ginpasakaan na sang kaso nga paglapas sa RA 9165 o Comprehensive Dangerous Drugs Act of 2002 ang natikma nga female drug personality nga ginakabig nga high value target sa pagpalapnag sang iligal nga droga kag 2 ka drug den maintainers sa syudad sang Cotabato.
Nahibaluan nga mga suspek amuh ang mag-asawa nga sanday Gunid Mohamad Lumabao kag Mariam Lumabao nga mga drug den maintainers sa Mother Barangay Mabini Interior Bagua III sa syudad sang Cotabato kag ang target sang operasyon nga isa ka HVT at babayi nga durugista nga si Arbaya Balilia nga nagasirbe man nga financer sang grupo.
Naghana pa nga magpalagyo ang mag-asawa apang naarestar gilayon ang mga ini sang mga katapo sang PDEA kag Cotabato City PNP kun sa diin natukiban nga ang puluy-an sang mag-asawa ang nagasirbe nga drug den samtang nakapalagyo naman ang 2 pa ka drug personalities nga sanday Boyet Sinsuat kag Benji Omar nga mga myembro man sang nasambit nga grupo.
Sa nasambit nga operasyon narekober ang 14 nga dalagkuan nga pakete sang shabu kag ginabulubanta nga may balor nga P289,000 , assorted drug paraphernalia kag cellphone.
