KORONADAL CITY- Nag-ibwal ang panibag-o nga kinagamo sa Sitio Laquicon, Brgy. Sto. Niño sa banwa sang Bagumbayan Sultan Kudarat sa tunga sang Bravo Company kag Special Reaction Platoon sang 33rd Infantry Battalion Philippine Army kag sang komunista kag rebelde nga New People’s Army.
Nahibaluan nga natukiban sang militar ang kampo sang NPA sa kalasangan nga bahin sang nasambit nga barangay kun sa diin masobra 15 ka mga rebelde ang ila naabtan.
Naalarma suno pa ang mga rebelde kag ginpalukpan ang militar tubtob sa nagbalos man sang lupok ang tropa kag nagdugay ang running gunbattle sang masobra 1 oras kun sa diin nagseparar man ang mga rebelde.
Suno kay 33rd Infantry Battalion Commander Ltc. Harold Cabunoc, wala sang napagkit nga patay ukon pilason ang bahin sang militar apang may pilason sa rebelde base man sa mga dugo sa encounter area.
Sa karun bantay sarado sang militar ang Sitio Sinaban nga malapit lang sa encounter area agud mapunggan ang pagpanic sang mga residente kag gindumilian anay ang pagpadulong sa nabukid kag kalasangan nga bahin sang barangay.
Top
