KORONADAL CITY – Ginatutukan sang mga otoridad ang serye sang pagpangluthang sang riding in tandem sa probinsiya sang South Cotabato.
Ini makaligad nga ginbawian sang kabuhi ang ginabulong sa hospital nga kaupod sang negosyante nga ginluthang-patay sang riding in-tandem sa Barangay Bukay Pait sang nasambit nga banwa kahapon.
Ginkilala ang mga napatay nga sanday Ronald Rivera Bucaneg, 42-anyos, residente sang Barangay New Isabela, Tacurong City kag Joel Santiago Macay, residente sang Tantangan, South Cotabato.
Sa interbyu sang Bombo Radyo Koronadal kay PSI Ian Bagot, chief of police sang Tantangan PNP, nakig-angot na suno pa sila sa Tacurong PNP agud nga makilala ang mga suspek.
Ini makaligad nga nahibaluan nga duha ka semana na ang nakaligad sang nahospital man si Bucaneg matapos ini nga ginluthang.
Nakapanugid pa ang biktima sa Tacurong PNP kag ini ang isa sa mga anggulo nga ginatutukan nila sa subong.
Una na nga ginpahayag sang kaupod sa trabaho ni Bucaneg nga posible may nakaaway ini sa iya nga trabaho sa ginabuy and sell nga salakyan.
