KORONADAL CITY – Gin-insisiter ni Christine Joy Ferrer nga lehitimo suno pa ang iya nga online networking business sa pihak sang reklamo kag mga akusasyon sang mga myembro sini nga wala na nila nabawi pa ang minilyon nga balor sang investments nga ginbutang nila sa nasambit nga negosyo.
Sa ekslusibo nga interbyu sang Bombo Radyo Koronadal kay Ferrer nga nakabase sa Oman, gin-insister sini nag wala sya sang ginatonto na tawo apang nagpamalibad ini nga ipahibalo kun sin-o ang founder sang online business nga wala sang pangalan kag gina-agi lang suno pa sa online trading ang transaksyon.
Suno kay Ferrer may yara suno pa sila sang founde apang di pwede imensyunar ang pangalan sini nga amuh man ang naga offer nga triplehon ukon sobra pa sang mga investors kun sa diin may naka tie up man sunopa sila nga iban nga tawo sa nasambit na negosyo nga wala man sini ginpa-athag sang maayo kun sin-o kag kun paano ang transaksyon ginahimo.
Dugang pa ni Ferrer nga handa suno pa ini nga ibalik ang kwarta sang mga investors sa tion nga may mapakita suno pa nga mga dokumento kag listahan nga nagapamatuod nga wala sila nakabaton sang kwarta halin sa ila investments.
Samtang kaangot sini, dismayado naman si Kevin Morales nga isa sa mga nag invest sa online networking business ni Ferrer bangud wala sang klaro ang nangin sabat ni Ferrer kag wala napa-athag kun sa diin nagpadulong ang P15 million nga investment sang grupo.
Suno kay Morales, dako nga balor ang ila nga gin-invest kag yara sa ila ang mga dokumento nga nagapamatuod nga nakahatag sila sang kwarta apang lusay promisa nalang ang ila nabaton halin kay Ferrer nga nagasiing nga igabalik ang kwarta apang madugayan bangud sa madamo nga mga rason.
Dugang pa sini nga sa pagkamatuod, sa isa ka adlaw maka-invest sila sang P1 million agud pun-an ang kakulangan sa nasambit nga investment kag maghulag ang kwarta.
Nahibaluan nga sa nasambit nga negosyo, luwas sa milyones nga investment, may yara pa sang Initial Coin Offering kun sa diin ang gina invest nga P1,000 ang pagahimuon nga P10,000 sa sulod sang pila ka adlaw lang kun sa diin naglab-ot man sa P400,000 ang ila nga na invest sa ICO nga wala man nabalik sa ila.
Sa karun luyag suno pa nila nga mabalik nalang ang kwarta nga gin-invest apisar di na mabalik ang kwarta nga ginpromisa sang gina-alegar nga peke nga negosyo.
