KORONADAL CITY – Nag-angkon sang positibo nga reaksiyon ang ginpatigayon nga State of the Province Address ni South Cotabato Governor Daisy P. Avance Fuentes.
Gindayaw ni Deputy Speaker for Mindanao kag 2nd District Representative Atty. Ferdinand Hernandez si Governor Fuentes bangud tested and proven na ang pang-ginobyerno sa idalom sang pagdumalahan sang gobernadora.
Indi bangud sa maayo ang ila nga tandem kag naga-compliment sila sa isa kag isa kag suno sa opisyal, ang pamatuod dire ang development nga makit-an sa South Cotabato.
Gindayaw naman ni Lt. Col. Jones Brisal Otida ang Commanding Officer sang 27th IB Philippine Army ang pagkapreparado ni Gov. Fuentes sa iya nga SOPA.
Suno kay Col. Otida, well delivered kag sensero ang pagpahayag sang gobernadora sa iya nga mga reports sa mga accomplishments sang probinsya.
Ini ang rason kun ngaa 2 thumbs up ini sa gobernadora bangod nakit-an ang senseridad kag pagkadesidido sini sa pagpamuno sa South Cotabato.
Dugang pa ni Col. Otida nga plastado man ang tanan nga mga plano ni Gov. Fuentes para sa ikaalambo pa sang Probinsya ilabi na sa mga Investments Projects kun sa diin indi suno pa mahambal nga gindalian bangod sa nakaplano kag nakahan-ay na ang tanan.
Gintawag ni Koronadal City Vice Mayor Eliordo Ogena nga moving forward ang ginapadulungan sang probinsya sang South Cotabato kadungan sang SOPA.
