KORONADAL CITY- Nagsungka sa mga otoridad ang 5 pa ka mga myembro sang New People’s Army (NPA) sa banwa sang Bagumbayan sa probinsya sang Sultan Kudarat.
Nahibaluan nga 4 sa mga ni ang mga menor de edad kag mga child warriors sang komunista kag rebelde nga grupo nga yara sa edad nga 16-19 anyos.
Sa interbyu sang Bombo Radyo Koronadal kay Sultan Kudarat Police Provincial Director Senior Superintendent Raul Supiter, bukas sa gihapon ang gobyerno sa pagbaton sang mga rebel returnees sa nasambit nga probinsya.
Nahibaluan nga tuman nga gutom sa kabukiran kag pressure sa presensya sang militar ang nagtulod sa mga ini nga magsungka nalang kag magbalik sa gobyerno.
Kadungan sini, ginsungka man nila ang 4 ka mga matag-as nga kalibre sang mga armas kag mga bala.
Kadungan sini, magabaton naman ang mga rebel returnees sang benepisyo halin sa gobyerno kag pagahatagan man ang mga ini sang edukasyon agud mabalik sa normal ang ila pagpangabuhi.
Nahibaluan nga sa banwa sang Sultan Kudarat masobra 120 ka mga rebelde na ang nagsunga humalin sang Mayo 2017.
