KORONADAL CITY- Nagapadayon ang imbestigasyon sang Isulan PNP kag Sultan Kudarat Police Provincial Office may kaangtanan sa pagluthang patay sa isa ka empleyado sang National Commission on Indigenous People Sultan Kudarat.
Sa impormasyon nga ginpalab-ot ni Bombo Correspondent Larry Geronio, ang biktima amuh si Renato Mandig Fernando, 50 anyos may-asawa kag residente sang Datu Odin Sinsuat, Maguindanao kag 30 anyos na sa iya nga serbisyo bilang Provincial Tribal Assistant sa NCIP Sultan Kudarat.
Nahibaluan nga suspek sa pagpangluthang sa iya ang riding in tandem sakay sang traysikel sa Brgy. Kalawag 1 Isulan Sultan Kudarat kun sa diin nakaangkon ini sang 2 ka igo sang bala sa iya nga ulo ang biktima nga gintunaan sang gilayon sini nga kamatayon.
Suno naman sa mga kaupod sa trabaho sang biktima wala sila sang nahibaluan nga nakaaway sang biktima rason nga blangko sa gihapon ang mga otoridad sa motibo sang pagpatay sa biktima.
