KORONADAL CITY – Nangin epektibo ang programa nga ginlunsyar sang Isulan PNP matapos nga isa ka retirado nga army kag kasamtangan nga Barangay Kagawad ang boluntaryo nga nagsungka sang mga eksplosibo sini.
Sandig sa report sang Isulan PNP, boluntaryo nga ginsurrender ni Barangay Kagawad Kab Brunero sang Brgy. Kalawag 1, Isulan, Sultan Kudarat ang iya nga ginatago nga granada kag 4 ka bala sang 14mm rifle.
Ini matapos suno pa nahibaluan ni Brunero ang programa nga “ Bomba mo, IED mo, isuko mo”.
Nahibaluan nga madugay na nga yara sa kustodiya ni Brunero ang nasambit nga mga eksplosibo matapos nga magretiro ini sa serbisto bilang suldado.
Ginkalipay naman sang Isulan PNP ang ginhimo sang opisyal kag nagalaum sila nga sundon sang iban pa ka mga opisyal mangin mga private persons ang ginhimo ni Brunero.
Nahibaluan nga ang nasambit nga programa ang may kaangtanan sa gihapon sa padayon nga implemenrasyon sang Martial Law sa Mindanao.
