KORONADAL CITY- Nagapangayo sang bulig sa Bombo Radyo ang bana sang isa ka Overseas Filipino Worker sa pungsod Kuwait nga ginasakit kag ginapreso sang iya mga amo.
Sa esklusibo nga interbyu sang Bombo Radyo kay Sixto Palomo asawa sang biktima, tuman ang kabalaka kag kakulba nga nabatyagan sang mga ini karun bangud sa sitwasyon sang iya misis nga si Vicky Palomo, 36 anyos isa ka domestic helper nga 3 ka tuig na nga nagatrabaho sa Alisaba Alsame st. Kuwait City, Kuwait.
Suno kay Sixto nagahibi kag nagapakitluoy ang iya asawa nga marescue sa puluy-an sang iya amo mga amo ilabi na nga abusado kag adik sa iligal nga droga ang iya amo nga lalaki nga mas nangin bayolente pa sang mahibaluan sini nga plano ni Vicky nga mag avail sang repatriation program sang Duterte administration agud makapauli sa pungsod.
Dugang pa sini nga mag-isa ka semana na suno pa sila nga nakapreso sa kwarto kag ginasakit ini sa tion nga magpamilit nga maghalin.
Sa karun nakig-angot na sya sa agency sang iya asawa apang wala sa gihapon sang sabat rason nga nagpalapit na gilayon sa Bombo Radyo.
