KORONADAL CITY- Tuman ang kalipay kag pagpasalamat sang pamilya sang isa ka Overseas Filipino Worker (OFW) halin sa Riyadh, Saudi Arabia bangud luwas na ang ila himata sa abusador nga mga amo sini sa nasambit nga pungsod.
Sa ekslusibo nga interbyu sang Bombo Radyo Koronadal kay Florinda Dizon utod sang pinay DH nga si Elvie Suela, may 2 kag bata kag residente sang Brgy. Topland syudad sang Koronadal, nakakas ang tuman nga kahadlok kag kabalaka nila para sa kaluwasan sang ila utod nga ginakulata kag ginhana nga luguson sang iya mga amo makaligad ma rescue ang pinay DH sang Philippine Overseas Labor Office pinaagi sa pakigbuligay sang Bombo Radyo Koronadal kag ni Bombo middle east correspondent Boyet Forro.
Suno kay Florinda, emosyonal man ang mga bata sini bangud sa ulihi makaupod na nila ang ila iloy.
Makaligad ang panghitabo kag makaligad makabalik ang pinay DH sa pungsod indi na nila ini luyag nga magbalik sa middle east bangud na trauma na sila sa pagpang abuso sang mga employers sa ila mga kabulig.
