KORONADAL CITY- Nagapadayon ang imbestigasyon sang Tacurong City PNP kag Sultan Kudarat PNP sa nagluntad nga pagpanghaboy sang 2 ka granada sa puluy-an sang isa ka suldado nga napatay sa Marawi Siege.
Sa ekslusibo nga interbyu sang Bombo Radyo Koronadal kay Ladylette Delos Santos, biyuda sang suldado nga napatay sa Marawi nga ginkibot sila sang mabatian ang mabaskog nga pagsigabong sa ila puluy-an kun sa diin 2 ka granada ang ginhaboy sang wala pa matumod nga mga suspek.
Dugang pa ni Gng Delos Santos, isa ka granada ang nagsigabong samtang ang isa naman ka granada ang ginhaboy sa tupad nga puluy-an nga ginapanag-iyahan sang ila himata nga si Joseph Lorenzana nga maswerte nga nadetonate sang nagresponder nga Explosive Ordnance Disposal Team.
Natrauma naman ang 6 sini ka mga kabataan mangin ang iya tigulang na nga iloy bangud sa nagluntad nga pagsigabong.
Sa karun ginahibalo pa kun ano ang motibo sang mga suspek sa pagpasigabong bangud wala suno pa sila sang nakaaway luwas na lang sa nagtaliwan nga bana sini nga napatay sa gyera sa Marawi City batuk sa ISIS-Maute terror group.
