KORONADAL CITY- Nagapati si Koronadal City Vice Mayor Atty. Eleordo Ogena nga nagapreparar na si Supreme Court Chief Justice Ma. Lourdes Sereno para sa iya dako nga away sa senado angot sa ginapanggatubang sini nga impeachment complaint.
Suno kay Atty. Ogena, nagakadapat nga atubangon na ni CJ Sereno ang mga akusasyon nga ginahaboy sa iya agud indi suno pa tigayon maguba kag madulaan sang salig ang mga Pilipino sa korte suprema sang pungsod.
Nagapati naman si Atty. Ogena kag ang mga kapareha sini nga abogado nga kwestyunable ang kredibilidad sang principal accuser ni CJ Sereno nga si Atty. Larry Gadon bangud sa mga indi authentic documents kag indi halin sa personal knowledge nga mga alegasyon nga ginahaboy sini sa chief justice apang nagakabalaka naman ini sa mga kaupdanan sang SC Justices nga nagaduot sa iya sa ginpatigayon nga hearing sa iya nga impeachment case sa Kamara.
Kaangot sini, ginalauman na sang mga law experts nga indi suno pa basta basta nga igasurrender ni Sereno ang pangin chief justice sini kag igapakigbato ang iya nga kaso tubtob sa ulihi ilabi na nga ginalauman na sang kampo sini nga magalab-ot sa senado ang impeachment trial.
